Т.Бадамжунай намдаа өгнө хэмээн Л.Сэргэлэнгээс 20 сая төгрөг авчээ
МАН-ын алдарт Т.Бадамжунай томоохон хэрэгт холбогдодгүй холбогдсон ч гэрчээр л асуугддаг зайтай эр юм. Гэтэл олон нийт түүнийг газрын, өмчийн хувьчлалын зэрэг томоохон хэрэгт холбоотой гэж харддаг. Намын нөхөд нь ч хүртэл ил тод хэлдэг. МАН-ын нарийн бичгийн дарга асан Ж.Сүхбаатар ажлаа өгөхдөө авлигачин, мафиар нь дуудаад авсан. Тэгвэл өдгөө давж заалдах шатны шүүхээс дэглэмээ хөнгөрүүлээд байгаа хотын дарга Ц.Батбаяртай холбоотой “Улаанбаатар” сонины хэрэгт алдарт Т.Бадамжунай гэрчээр асуугджээ. Энэ хэрэгт хохирогчоор ИНЕГ-ын дарга асан Лхагвын хүү Сэргэлэн тогтоогдсон. Тэрээр 2004 онд УИХ-ын гишүүн Т.Бадамжунай Д.Сүхбаатарын нэрэмжит хэдлэх үйлдвэрийн барилга буюу “Улаанбаатар таймс” сонины газрын менежмэнтийн хувьчлалд Ж.Саруулбуян ахлагчтай баг оролцон тендерт нь ялсан гэж хэлж. Ингээд намайг хөрөнгө оруулахыг санал болгосны дагуу 493 сая төгрөгийн хөрөнгө оруулалт хийсэн ч түүнийг менежмэнтийн багт ч оруулалгүй гадуурхаж. Т.Бадамжунай нь менежмэнтийн багийн гишүүдэд О.Алтан нь тухайн үед Ерөнхийлөгч байсан Н.Энхбаярын эхнэр О.Цолмонгийн, ЗТБХБ-ын дэд байсан А.Гансүх нь Ерөнхий сайд С.Батболдын, Н.Ариунтуяа нь шадар сайд М.Энхболдын, Б.Ундармаа нь ХХААХҮ-ийн сайд Т.Бадамжунайгийн, Б.Согоосүрэн нь УИХ-ын гишүүн Ц.Дашдоржийн төлөөлөл гэж танилцуулж байжээ. Тэр үед Т.Бадамжунай надаас намдаа өгнө хэмээн 20 сая төгрөг аваад явсан гэж Л.Сэргэлэн мэдүүлжээ. Ж.Саруулбуянгийн хүлээснээр 2004 онд Т.Бадамжунай төрийн ордонд гишүүнийхээ өрөөнд түүнийг Л.Сэргэлэнтэй танилцуулжээ. Шинэ танилыг нь нисэх онгоцны болон аялал жуулчлалын компанитай баян хүн тул хөрөнгө оруулагчаар оруул гэж үүрэгдэж. 2007 онд хүртэл Ж.Саруулбуян нь сонины эрхлэгчээр ажиллаж байтал Д.Чулуунбаатар ажлыг нь авья гэж санал тавьж. Хотын дарга байсан Ц.Батбаяр ч хүртэл ажлаа өг гэж дарамталжээ. Ингэж явсаар 2008 оны 7-р сарын 20-ны өдөр менежмэнтийн баг хуралдаж Д.Чулуунбаатарыг багийн ахлагчаар томилжээ. Ж.Саруулбуян нь өөрийн оруулсан оюуны хөрөнгөө 50 сая төгрөгөөр үнэлэхэд Д.Чулуунбаатар тэр дор нь өгсөн гэнэ.
NUUTS.mn
