Жанжин штабын дэд хурандаа афган хутгаар дотнын хүнээ хөнөөжээ
Нийтэлсэн: 2014-12-17 03:03:47
Монголчууд хутга хэмээх хүйтэн мэсд таагүй ханддаг. Хутга бэлгэнд өгдөгүй, чамирхаж цуглуулдаггүй байсан. Хутга хэмээх хүйтэн зэвсэг хэзээд гай дагуулдаг. Тэгвэл дайн тулаан ихтэй Афганистанаас авчирсан хутга монгол залуугийн аминд хүрчээ. Зэвсэгт хүчний Жанжин штабын Агаарын довтолгооноос хамгаалах цэргийн командлалын нэгэн албаны дарга дэд хурандаа цолтой Ц.Б нь тэрхүү гайт мэсээр согтуурсан үедээ дотнын хүнээ хөнөөсөн хэргийг шүүх шийдвэрлэжээ. Хэрэг гарах үед хэрэгтэн талийгаач хоёр хоюулаа согтуу байсан гэнэ. Хүний аминд хүрсэн хутга нь дэд хурандаагийн Афганистанаас авчирсан гэх афган хийцийн хүрэн иштэй хутга байжээ. Дэд хурандаа хэрэг гарсаны дараа өөрөө цагдаагийн газарт утасдан “би Налайхын 3…-р ангийн дэд хурандаа байна, хүн хутгалчихсан, энэ хэргийг би задруулаарай” гэж өөрөө хэлжээ. Хохирогч Японоос ирсэн байсан агаад үеийн найз нартайгаа дарвижээ. Найзынх нь баталснаар ангиараа Гордокт ирж 0.75-ын хоёр шил архи ууж, талийгаач нь гаднаас авчирсан бэлгийн архиа задалжээ. Маргааш нь гол руу явахдаа ахиад нэг шил том “Болор” уужээ. Ингээд согтуу үедээ маргалдсанаас харамсалтай хэрэг гарсан гэнэ.
