Ч.Сайханбилэг Ц.Мөнх-Оргилыг Хууль зүйн дэд сайд болгоно
МАН-ынхан Хууль зүйн дэд сайдад Ш.Раднаасэд гэдэг кадр ажилтнаа сойж. Тэрээр цагтаа ХЗЯ-нд ажиллаж байсан гэнэ. Гэтэл дэд сайдын нэрийг аль хэдийн Ерөнхий сайд Ч.Сайханбилэг, ЗГХЭГ-ын дарга С.Баярцогт нарын хүрээнд шийдчихсэн бололтой. Тэр нь УИХ-ын гишүүн бас ХЗ-н сайд явсан Ц.Мөнх-Оргил аж. МАН-ын “харвардчин” улстөрч хэсэгтээ улстөрөөс хол байсан ч цагтаа “MCS” гэдэг том айлын тогоонд хамт хошууга шургуулж явсан гэдгээрээ Ерөнхий сайд, ЗГХЭГ-ын дарга хоёроос холбоогоо таслаагүй. Тэд ч дэд сайдад МАН-ын хүнийг тавих нэрээр яг үнэндээ “өөрийн хүнээ” тавихаар төлөвлөж. Тэгээд ч зан зангаа авалцсаны хувьд Ш.Раднаасэдээс хамаагүй ойр дотны найз нар юм. Ц.Мөнх-Оргил нь “Гоёо” компанийг өөрийн болгосон мөн “Эрэл”-ийн Д.Эрдэнэбатын “Ариг” банктай ойр гэдгээрээ хэний ч дор орохгүй хөрөнгөлөг улстөрч юм. Түүнийг “Эрэл”-ийн Д.Эрдэнэбатын эхнэр Сэргэлэнтэй бүл, ах дүүгийн хүүхдүүд гэдгийг тэр бүрий хүмүүс мэддэггүй. “Ариг” банкны нууц хувьцаа эзэмшигч байхад гайхах зүйлгүй байх. Өдгөө Монголын банкууд зээлээ хааж байхад ганцхан “Ариг” л зээл өгч байгаа. Ийм нэгэн АН-тай ойр, хөрөнгөтэй МАН-ын улстөрч Хууль зүйн дэд сайд боолох нь бараг тодорхой болжээ.
NUUTS.mn
