Чечений дайн эхэлсний 20 жилийн ойд…
Нийтэлсэн: 2014-12-14 03:32:33
1994 оны 12-р сарын 11-нд Чечений зоригт ард түмэн эрх чөлөө тусгаар тогтнолынхоо төлөө зэвсэг барин босжээ. 1990 оны 12-р сарын сүүлээр Грозный хотод Чечений ардын хурал хуралдаж Гүйцэтгэх зөвлөлөө сонгож Жохар Дудаевыг даргаар нь баталжээ. Дараа жил нь Чеченийг ЗХУ болон Холбоот Орос улсын бүрэлдэхүүнээс албан ёсоор гарсаныг зарлаж тэр ондоо Д.Дудаевыг Ерөнхийлөгчөөр сонгосон. 1994 оны 12-р сарын 14-нд тухайн үеийн ОХУ-ын Ерөнхийлөгч Б.Ельцин “Чечений нутаг дэвсгэрт үндсэн хууль, дэг журмыг сэргээн тогтоох тухай” зарлиг гаргаснаар дайн албан ёсоор эхэлжээ. Грозный хотыг десантын хоёрхон сумангийн хүчээр хэдхэн цагийн дотор эзлэнэ хэмээн онгирч байсан Оросын БХ-ын сайд П.Грачев 250 танк, хуягтаар дэмжүүлсэн ихээхэн хүчээр хориглон хамгаалалт хийгээгүй зүүн талаас нь дайрсан ч шившигтэйгээр ялагджээ. Нарийн төлөлөгөөгүй, бэлтгэл сургуулилат муутай хүч нь гудамжны тулаанд бут цохиулж бүрэн сүйрчээ. 85 цэрэг офицерээ алуулж зуу гаруй нь олзлогдов. 25 танкаа шатаалгасан бол бусдыг нь экипаж нь орхин зугтаажээ. Мөн зуу гаруй цэрэг сураггүй алга болсонд тооцогдож тулааныг удирдсан бригадын генерал Савин нь алагджээ. Ичсэн БХ-ын сайд нь маргааш нь Оросын нэг ч цэрэг энэ ажиллагаанд оролцоогүй гэж мэдэгдэж байжээ.
NUUTS.mn
