Их хотын иргэд 10 насаар хурдан хөгширдөг
Нийтэлсэн: 2014-12-10 04:50:32
Хэрвээ та саяас давсан хүнтэй их хотод амьдардаг бол хөдөөний үе тэнгийхнээсээ 10 насаар хурдан хөгширнө гэнэ. Их хотын ачаалал, хямрал, дарамт нь үүний буруутан юм. Гэхдээ түм түчигнэж бум бужигнасан газар амьдрахаар шийдсэндээ та өөрөө хамгийн гол буруутан. Хотын хүн хөдөөний хүнээс хурдан хөгширдөг гэдэг нь арьсны байдлаас нь харагддаг аж. “Проктор анд Гэмбл” компаний мэргэжилтний нотолж байгаагаар хотын хүний арьс нь хөгшрөлтөнд хариу үйлчлэл тун муу үзүүлдэг гэнэ. Арьсны давхраа нь амархан хатаж үрчийдэг, эмзэг болдог, амархан толботдог. Гэтэл үргэлж шахуу нар салхинд явдаг хөдөөний хүний арьс энэ талаараа тун гайгүй үзүүлэлттэй гарч. Ямар ч байсан арьсны хөгшрөлтийн хурд нь 10 хувиар удаан явагддаг гэжээ. Түүнээс гадна арьсыг хурдан хөгшрүүлдэг гол аюул нь өдгөө хотын агаарын бохирдол гэдэг нь тодорхой болсон. Ялангуяа нүүрс болон машины утаан дахь химийн хорт нэгдлийн эсрэг та бидний арьс ямар ч хүчгүй болдог аж.
NUUTS.mn
