Нууц мэдээллийн уурхай

-Нью-Иоркийн “Knoedler&Company” урлагийн галерейд пост-модернист зураач Поллокийн хэд хэдэн бүтээлийг 17 сая доллароор зарсан дуураймал байсан нь илэрчээ.

-1937 онд дуураймал зургийн алдарт авъяастан Хан ван Мээгэрэн гэдэг голланд зураач нутаг нэгт алдарт зураач Ян Вээрмэрийн “Христос Эммаусд ирсэн нь“ хэмээх бүтээлийг зураад Үндэснийхээ гарлерейд 520 мянган гульдэнгээр зарсан нь одоогийн ханшаар 6 сая доллар гэнэ. Мөнгөөрөө байшин худалдаж авч тохижоод ахиад л нөгөө Ян Вээмэрийн хэд хэдэн бүтээлийг дууриалгаж зураад нацист дэглэмийн нэг удирдагч Герман Герингэд хүртэл зарчихсан гэдэг. Дайны дараа түүнийг “үндэсний үнэт өвийг германчуудад зарсан урвагч” гээд бүх насаар нь хорих ял оноох гэжээ. Харин шүүх хурал дээр хулхи бүтээл зарсан нь нотлогдож улмаар үндэсний баатар болох шахсан гэдэг.

-2005 онд Chiristie дуудлага худалдаанд нэрт зураач Борис Кустодиевын “Одалиска” гэдэг зураг 2.9 сая доллаоор зарагдсан нь хулхи байж таарчээ.

-2004 онд Sotheby гэдэг урлагийн нэгдэл Оросын зураач Шишкины “Ойн захын горхи” гэдэг бүтээлийг 1.1 сая доллароор үнэлэн зарах гэсэн нь дуураймал гэдэг нь батлагджээ.

-Герман зураач Вольфганг Белтраччи эхнэртэйгээ нийлэн дуураймал зарах наймаанд оржээ. Нөхөр нь зурдаг, харин эхнэр нь өөрийгөө удам дамжсан асар их цуглуулгатай эртний сурвалжит гэр бүлээс гаралтай  гэдэг үлгэр зохиодог байжээ. Хэд хэдэн дууриамлаа 2.-7 сая доллароор зарж чадсан ч 2000 оны эхээр баригдаж зургаан жилийн ял авчээ.

-Дуураймал баримлын нэрт мастер Роберт Драйсен дэлхийд алдаршсан уран барималч Альберт Жакометтийн бүтээлээр “дагнан” олон арван дуураймал хийснээс сүүлдээ аль  нь жинхэнэ аль нь хуурамч гэдэг нь ялгахгүй тийм өндөр түвшинд хүрч. Драйсены борлуулагч баригдаж өөрөө Ази руу зугтаан алга болжээ.

NUUTS.MN