Нууц мэдээллийн уурхай

Хүн эрүүлдээ хийж чадахгүй зүйлээ согтуудаа хийчихсэн байх нь олонтоо. Даян дэлхийн “ногоорогчдын” байгуулсан аугаа гавъяанаас дурдвал:

-Гурван англи залуу тасарсан үедээ Австралийн амьтны хүрээлэнгээс оцон шувуу хулгайлжээ. Өглөө нь сэрээд өрөөндөө оцон шувуу сууж байхыг хараад болсон явдлыг арай ядан санаж. Тэр гурав бараг хоёр литр цагаан архи уугаад оцон шувуу хулгайлж чадах эсэхээ мөрий тавьж байснаа там түм санажээ. Буудлын үйлчлэгч цагдаа дуудсан агаад амьтдын хүрээлэнгийн захиргаа ч гомдол гаргачихсан байж. Камерийн бичлэгээр тэр гурав хамгаалатын тор даван далайн гахайтай хамт сэлж аварга загас руу хүртэл дайрсан агаад эцэст нь оцон шувуу хулгайлж байгаа нь гарчээ.

-Сербийн жуулчин Драган Стевич гэх эр Өмнөд Африкт согтуудаа далайн эргийн эгц өндөр хаднаас үсэрсэн агаад доор нь байж таарсан аварга загасны яг толгой дээр буужээ. Аварга загас газар дээрээ мажийсан бол серби эрийг архины гүн хордлого гэсэн оноштойгоор эмнэлэгт хүргэж.

-Колародо мужид согтуу аавыг хөвгүүдээ дагуулан “Макдоналдс”-д ирэхэд тохиолдлоор тааралдсан цагдаа гэртээ харихыг сануулж. Хариуд нь тасарсан аав хөвгүүддээ “цагдааг амьдаар нь шарж идэхийг” тушаагаад өөрөө оройлон дайрчээ. Хөөрхий цагдааг бүсээр нь хүлээд гал тогоо руу чирэх үед эргүүл ирж таслан зогсоосон гэнэ.

NUUTS.MN