Тарган охиноо садист аргаар тураах гэсэн эцэг баривчлагджээ
Нийтэлсэн: 2013-07-31 12:47:50
.jpg)
Америкийн Невада муж улсын иргэн 55 настай Роберт Блью илүүдэл жинтэй охиноо тураах гэж зэрлэг хэрцгий арга хэрэглэсэн тул баривчлагджээ. Түүний 13 настай охин нь 75 кг хүртэл таргалж энэ нь эцгийн сэтгэлийг “зовоосон” гэнэ. Эхлээд хоолны дэглэм сахиулах гэтэл өөрийгөө боддоггүй охин нь өрөөндөө шокалад, чипс нууцаар идэж байгаад баригджээ. Уурласан эцэг хатуухан гараар үзэхээр шийдэн охиноо хивсэнд ороож хүлээд хоолыг нь сойж байна хэмээн хэд хонуулжээ. Хүүхдийн уйлах дуу гараад байна гэсэн хөршийнх нь мэдээллээр ирсэн цагдаа нар эцгийг баривчилж охиныг эмнэлэгт хүргэжээ. “Тураагч” эцэг өөрийн буруугаа огтхон хүлээгээгүй бөгөөд охиныхоо сайн сайхны төлөө л бүхнийг хийсэн гэж мэдүүлжээ. Сонирхолтой нь өөрөө ч гэсэн илүүдэл жинтэй агаад гамбургерийн хорхойтон гэнэ.
