Нууц мэдээллийн уурхай

Санаандгүй асуусан нэг асуулт хайр дурлалын халуун холбоог сэвтүүлэх нь бий. Иймд бүсгүйчүүд доорхи 10 асуултыг хэзээ ч хайртаасаа асууж болохгүй шүү.

-“Энэ даашинз надад зохихгүй байна уу?” : Энэ бол хамгийн аюултай асуулт агаад өөртөө огтхон ч итгэлгүйг илэрхийлдэг. Харин эрчүүд өөртөө итгэлтэй бүсгүйд дуртай.

-“Чи одоо юу бодож байна вэ ?” : Эр хүн “юу ч бодоогүй” л гэнэ. Хэрвээ энэ асуултыг байнга тавиад байх юм бол “юу бодохыг хүртэл заах гээд байх юм” хэмээн уурладаг.

-“Манай найз хүүхнүүдийн хэн нь чамд таалагддаг вэ ?” : Хэнийг нь ч хэлсэн угаасаа та эмзэглэж уурлах тул эрчүүдийг эвгүй байдалд оруулдаг. Үнэндээ нэг нь таалагддаг л байгаа шүү дээ.

-“Хоюулаа хэдэн хүүхэдтэй болох вэ ?” : Харилцаа дөнгөж эхэлж байхад ийм асуулт асуугаад нөгөө залуугаа үргээдэг.

-“Хэрвээ чи надаас салбал өөр хүнтэй болох уу ?” : Ямар нэгэн байдлаар танаас саллаа, хагацлаа гэхэд өөр эмэгтэйтэй учрах нь угаасаа л ойлгомжтой хэрэг тул шал дэмий асуулт юм.

-“Танай найзуудтай чинь хамт сууж болох уу?” : Эр хүн найз нартайгаа юм ярьж шар айраг ууж сууя гэтэл та салахгүй дагаад байх нь. Мэдээж  уурлаж дургүйцэж л таараа. Эрчүүдэд өөрсдийн гэсэн яриа хөөрөө, орчин бий.

-“Чи яагаад тэр хүүхнийг ширтээд байгаа юм бэ?, таалагдаад байна уу?” : Өөрийн сул талыг илэрхийлсэн асуулт. Та  тэр хүүхэнтэй өөрийгөө харьцуулаад би дутуу юм байна гэсэн урьдчилсан дүгнэлтийг хийж, эр хүн үүнийг зөнгөөрөө л мэдэрдэг. Залуу тань өөр хүүхэн лүү харсан ч гэсэн одоогоор тантай л хамт байна. Гэтэл үл ялих зүйлээр хардлага үүсгэх нь буруу.

-“Чамд хэдэн хүүхэн байсан бэ?” : Үүнийг мэдээд ямар ч ашиггүй. Тэгвэл та өөрөө хэдэн залуутай учирч байснаа сана. Өнгөрснийг буцааж бас өөрчилж болохгүй, одоогоороо амьдар.

-“Чамд би чухал уу ээж чинь чухал уу ?”:  Эрчүүдийн 99 хувь энэ асуултанд шууд эмзэглэдэг агаад учир нь юу гэж хариулахаа мэддэггүй. Янаг амраг болон эх үрийн хоорондын хайр шал өөр зүйл тул та ижил түвшинд авч үзэх гэсний хэрэггүй юм.

-“Чи надад үнэхээр хайртай юу?” : Ингэж асууснаас “би чиний хайртай гэдэгт итгэхгүй байна” гээд хэлчихсэн нь арай шулуухан. Эрчүүдийн ихэнхи нь бодол санаа, сэтгэл хөдлөлөө илэрхийлэх дургүй нууж хаадаг агаад харин үйлдлээрээ л илэрхийлдэг. Тэр тантай байна энэ л болоо.