26, 27-ны өдрийг дуустал архи худалдаалахгүй
Нийтэлсэн: 2013-06-26 04:14:44
.jpg)
Өнөөдөр Монгол улсын Ерөнхийлөгчийн ээлжит сонгуулийн санал хураалт явагдаж байна. “Монгол улсын Ерөнхийлөгчийн сонгуулийн тухай хууль”-д заасанчлан санал авах өдөр согтууруулах ундаагаар үйлчлэх, худалдах, соёл урлаг, үзвэр, спортын аливаа арга хэмжээ зохион байгуулах, гадаа болон битүү талбайд үйл ажиллагаа явуулдаг худалдаа, үйлчилгээний төв ажиллахыг хориглосон байдаг.
Энэ дагуу нийслэлийн Засаг даргын гаргасан захирамжийн дагуу гарч болзошгүй гэмт хэрэг, зөрчлөөс урьдчилан сэргийлэх, замын хөдөлгөөний ачааллыг бууруулах зорилгоор хүнс, барилгын материал, мод модон материал, түүхий эд, техникийн захууд болон худалдааны төвүүд өнөөдөр амарна.
Мөн Монгол Улсын Ерөнхийлөгчийн сонгуультай холбогдуулан зургаадугаар сарын 25, 26, 27-ны өдрүүдэд Нийслэлийн нутаг дэвсгэрт архи, согтууруулах ундаа худалдах, түүгээр үйлчлэхийг хориглосон болно.
