Нууц мэдээллийн уурхай

Зусланд гарч зугаалж явах үед хамгийн өргөн тохиолддог таагүй зүйл бол хоолны хордлого юм. Ялангуяа хиам, өндөг жимснээс их хорддог. Жимс ногоог сайтар угааж байж идэх ёстойг бараг бүх хүн мэддэг ч угаадаг нь цөөхөн.  Шорлог хорхог боодог мэтээр бага насын хүүхдийг хооллох хэрэггүй. Тэдний бяцхан ходоод энэ “аймшигт” хоолыг хүлээн авч чадахгүй.  Ой модонд явж байхдаа хусны хачигнаас сэргийлж гар хүзүүгээ хамгаал. Бяцхан хачигт хазуулбал бүр саажиж мэдээгүй болох аюултай. Хүүхэд наранд цохиулбал нэн даруй сүүдэрт оруулж толгойд нь хүйтэн жин тавь. Мөн хүүхэд тань голын хүйтэн усанд ороод бээрч магад. Тэгвэл зузаан алчуураар ороож халуун юм уулга. Газийн хийгээ хүүхдээс хол байлга. Буух газартай байгаа том чулуу, мод төмөр шилийг залхууралгүй түүж цэвэрлэ. Хүүхэд тань гэмтвэл тэрнээс их юм болно. Нүх байвал бөглө. Хүүхдээ нарнаас хамгаалах шүхэр, нарны тосыг заавал авч яв. Дулаан хувцасыг нь мартаж болохгүй. Усны гутал борооноос хамгаалахаас гадна ийм гуталтай үед хүүхдийн хөлийг элдэв амьтад хазаж чадахгүй.

NUUTS.MN