Хүзүүг гоолиг сайхан харагдуулах арга
Нийтэлсэн: 2013-05-18 05:04:42
Хамгийн ашигтай аргууд:
- Хүзүүний урд талаар сунаж тогтсон булчинг үрҗ иллэг хийх
-Эрхий болон бусад хурууны өндгөөр дагзны доод талын булчингаас дал, хүзүүний хавиар гадаргууг үрж иллэг хийх.
Хүзүүний булчингуудад даралт буюу хуян шар ус амархан хуримтлагддаг. Эдгээр булчин нь толгойг цэх, шулуун байлгахад чиглэгдсэн байдаг бөгөөд нуруу сээрний бараг бүх хөдөлгөөнд оролцдог. Хүзүүний яс гэдэг нь нугалмайнууд юм.
Эдгээр нугалам их амархан үрэвсдэг бөгөөд үрэвсэл нь их үед амьсгаадах, дотор муухайрах, толгой эргэх зэрэг архаг өвчтэй хүмүүсийн хуучийг амархан хөдөлгөдөг. Хүзүүний эргэн тойрон, артер болон венийн судас байдаг байна. Энэ бүхнээс үзэхэд бид хүзүүгээ хамгаас их арчилж аль болох сайхан хэлбэртэй байлгах ёстой юм.
Yүний тулд хоёр зvйлийг анхаарах хэрэгтэй.
1. Хөөрөх болон шар ус бөөгнөрөхөөс сэргийлэх
2. Нойрсч буй үедээ хүзүүгээ аль болох аятайхан байрлалд байлгах, мөн аль болох дэргүй унтах, дэр дэрлэхдээ зориулалтын зөөлөвчтэйг хэрэглэж байхыг бодоорой. Хүзүүний арьс нь маш хурдан үрчийдэг.
Ер нь хөгшрөлтийн анхны шинж тэмдгүүд нь хүзүүний арьсанд илэрдэг байна. Ялангуяа хүзүү, шанааны шугам, эрүүний хэсгүүдээр үүсдэг. Арьсны өнгө алдалт, сулралт, үрчийлт нь мөн нүүр царайнд маш амархан бий болдог. Иймд хүзүү болон нүүрний арьсыг арчилж будаж байх нь чухал. Хүзүү нь нүүрний үргэлжилсэн хэсэг учраас түүнийг будахад үндсэн фон буюу суурь пудр болж өгдөг.
Хүзүүнд vvссэн янз бүрийн толбыг бүдгэрүүлэхийн тулд пудрын өнгө нь аль болох хүзүүний /өөрийн/ өнгөтэй зохицож байх шаардлагатай. Иймд аль болох хүзүү болон царайныхаа өнгөтэй ижил пудр олж хэрэглэхийг хичээгээрэй. Гэхдээ хуурай пудр хэрэглэхдээ нимгэхэн, хөнгөхөн, жигд түрхэж байх хэрэгтэй.
