“ICT-EXPO-2013” үзэсгэлэн нээлтээ хийлээ
Нийтэлсэн: 2013-05-17 05:23:58
“Ирээдүйтэй холбогдоё-Шинэ амьдралын хэв маяг” уриан дор зохион байгуулж байгаа “ICT-EXPO-2013” үзэсгэлэн өнөөдөр нээлтээ хийлээ. Долоо дахь жилдээ болж буй энэ удаагийн үзэсгэлэнг Орчин цагийн харилцаа холбооны салбар үүсэж хөгжсөний 92 жилийн ой, “Цахилгаан холбоо, мэдээлэлжсэн нийгмийн Дэлхийн өдөр”-ийг тус тус тэмдэглэн өнгөрүүлэх ажлын хүрээнд Мэдээллийн технологи, шуудан, харилцаа холбооны газраас өнөөдрөөс энэ сарын 21-нийг хүртэл “Мишээл экспо” төвийн үзэсгэлэнгийн танхимд зохиохоороо онцлог. Өнөөдөр нээлтээ хийсэн үзэсгэлэнд Монгол Улсын Ерөнхий сайд Н.Алтанхуяг хүрэлцэн ирсэн юм. Нээлтийн эхэнд “Робокон-2013” тэмцээний шилдэг бүтээлүүдийг танилцуулж, робтыг Ерөнхий сайд удирдсан юм.
.jpg)
“ICT-EXPO-2013” үзэсгэлэнд Олон улсын болон гадаадын байгууллагууд, мэдээллийн технологийн салбарт үйл ажиллагаа явуулж буй аж ахуйн нэгжүүд, Төрийн байгууллагууд, мэдээллийн технологийн дэвшлийг ашиглан үйл ажиллагаа явуулж буй бусад салбарууд. Мөн их, дээд сургуулиуд, Хэвлэл мэдээллийн хэрэгслүүд оролцсоноор энэ удаагийн үзэсгэлэнг улам өргөн цар хүрээтэй болгосон нь энэ.
С.МӨНХ
