Цаг агаарын аюултай үзэгдлээс сэрэмжлүүлэх мэдээ
Нийтэлсэн: 2013-05-13 00:28:57
.jpg)
Өнөө шөнө Төв, Хэнтийн нутгаар, маргааш өдөр Сүхбаатарын нутаг, Хэнтий, Дорнодын өмнөд хэсгээр цасан шуурга шуурч, шөнөдөө Дундговийн нутаг, Өмнөговийн зүүн хэсгээр, өдөртөө Дорноговийн нутаг, Дундговийн зүүн хэсгээр салхи секундэд 18-20 метр хүрч шороон шуурга шуурна.
УЛААНБААТАР ХОТ: Шөнөдөө үүлэрхэг. Хур тунадас орно. Өдөртөө үүл багасна. Хур тунадас орохгүй. Салхи хойноос секундэд 5-10 метр, шөнөдөө түр зуур секундэд 16 метр хүрч цасан шуурга шуурна. Сэрүүсч шөнөдөө 0 градус орчим, өдөртөө 10-12 градус дулаан байна.
БАРУУН АЙМГУУДЫН НУТГААР: Шөнөдөө багавтар үүлтэй. Хур тунадас орохгүй. Өдөртөө нутгийн баруун хэсгээр үүлшиж, бага зэргийн хур тунадас орно. Салхи баруунаас секундэд 5-10 метр, өдөртөө Алтайн салбар уулсаар секундэд түр зуур 16 метр хүрч ширүүснэ. Шөнөдөө Алтай, Хангайн уулархаг нутгаар 0-5 градус хүйтэн, Алтайн өвөр говиор 10-15 градус, бусад нутгаар 1-6 градус, өдөртөө дулаарч Алтай өвөр говиор 23-28 градус, бусад нутгаар 17-22 градус дулаан байна.
ТӨВИЙН АЙМГУУДЫН НУТГААР: Шөнөдөө үүлэрхэг. Зарим газраар хур тунадас, нойтон цас орно. Өдөртөө үүл багасна. Хур тунадас орохгүй. Салхи хойноос секундэд 5-10 метр, шөнөдөө зарим газраар секундэд 12-14 метр хүрч цасан шуурга шуурна. Сэрүүсч шөнөдөө Хангай, Хөвсгөлийн уулархаг нутгаар 3-8 градус хүйтэн, бусад нутгаар 3 градус хүйтнээс 2 градус дулаан, өдөртөө нутгийн баруун хэсгээр 13-18 градус, бусад нутгаар 9-14 градус дулаан байна.
ЗҮҮН АЙМГУУДЫН НУТГААР: Үүлшинэ. Зарим газраар хур тунадас, нойтон цас орно. Салхи зүүн өмнөөс хойш эргэж секундэд 5-10 метр, зарим газраар секундэд 12-14 метр хүрч цасан болон шороон шуурга шуурна. Шөнөдөө 2-7 градус, өдөртөө сэрүүсч 11-16 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Хур тунадас орно. Салхи баруун хойноос секундэд 12-14 метр хүрч ширүүснэ. Шөнөдөө 2-4 градус, өдөртөө 18-20 градус дулаан байна.
ГОВИЙН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр, өдөртөө нутгийн зүүн хэсгээр бага зэргийн хур тунадас орно. Салхи хойноос 7-12 метр, зарим газраар секундэд 18-20 метр хүрч шороон шуурга шуурна. Сэрүүсч шөнөдөө нутгийн хойд хэсгээр 1-6 градус, бусад нутгаар 5-10 градус, өдөртөө нутгийн баруун хэсгээр 17-22 градус, бусад нутгаар 14-19 градус дулаан байна.
