Амьд ахмад дайчдыг “оршуулжээ”
Нийтэлсэн: 2013-05-09 10:23:13
.jpg)
Ялалтын баярын өмнөхөн дайнд оролцосн ахмад дайчдыг бөөнөөр нь залилсан хэрэг Эрхүү мужид гарчээ. Бүлэг луйварчид 350 гаруй амьд сэрүүн ахмад дайчдыг “оршуулан” хөшөөний зардал болох 5.4 сая рублийг залилаад зугтжээ. Оросын хуулиар Эх орны дайны ахмад дайчин нас барвал алдар гавьяаг нь мөнхөлсөн хөшөөг улсын хөрөнгөөр бүтээн оршуулган дээр нь тавьдаг агаад луйварчид тэр мөнгийг онилсон байж. Тэд ахмад дайчдын бүртгэлийн сан луу нэвтрэн хувийн мэдээллийг нь олж аваад хуурамч оршуулга зохион байгуулж хөшөөний мөнгө хүссэн баримтыг засаг захиргаанд бүрдүүлж өгч. Бүх баримтыг яг хуулийн дагуу бүрдүүлсэн агаад оршуулгын ажиллагааны зургийг фотошопоор хийсэн байж. Нас барсан ахмад дайчны хамаатнуудаар янз бүрийн хүмүүс хөлслөн авч ажиллуулсан гэнэ. Ингээд өөрсдийнхөө байгуулсан буяны компаний дансаар хөшөөний мөнгийг нь оруулж аваад ор сураггүй арилжээ.
NUUTS.MN
