Цагдаагийн экс дарга нар хуурамч оношоор ял завшихыг оролджээ
Нийтэлсэн: 2013-04-30 06:58:45
Цагдаагийн экс дарга нар буюу долоодугаар сарын 1-ний хэрэгт буруутгагдан 3,6 жилээр ял шийтгүүлсэн ЦЕГ-ын Эргүүл хамгаалалтын газрын дарга асан хурандаа Ш.Батсүх, 2,6 жилийн хорих ял шийтгүүлсэн Нийслэлийн цагдаагийн газрын дарга асан хурандаа О.Зоригт болон албан тушаалаа урвуулан ашиглаж төсвийн мөнгө завшсан хэргээр ял шийтгүүлсэн Говьсүмбэр аймгийн Засаг дарга асан Ж.Баянмөнх нарт ШШГЕГ-ын Нэгдсэн эмнэлгийн эмч нар ялаас чөлөөлөгдөх өвчний онош тавьж, дүгнэлтээ прокурорын байгууллагад ирүүлсэн ажээ.
Прокурорын байгууллагаас тусгай шинжээч томилон дахин дүгнэлт гаргуулахад ШШГЕГ-ын Нэгдсэн
эмнэлгийн эмч нар хүмүүжигчдийн өвчнийг буруу оношилсон болох нь нотлогдсон байна. Тиймээс УЕПГ-аас ШШГЕГ-ын Нэгдсэн эмнэлгийн эмч нарын шийдвэрийг хүчингүй болгосон төдийгүй худал дүгнэлт гаргасан гэх үндэслэлээр Монгол Улсын Эрүүгийн хуулийн дагуу эрүүгийн хэрэг үүсгэн шалгаж эхэлсэн байна.
