Нууц мэдээллийн уурхай

Ах дүүс эгч дүүс байж хүүхдүүд нь хоорондоо муудалцаж хэрэлдэх нь эцэг эхийн толгойн өвчин болдог. Энэ хэрүүл зодоонд буруутныг олж тогтоох нь хамгийн хэцүү байдаг.  Хүүхдийн хэрүүл зодооны гол шалтгаан нь тэдний өрсөлдөөнд байдаг.  Айлын ганц хүүхэд байтал удалгүй дүүтэй болсноор энэ нь улам хурцаар илэрдэг.   Тухайн нөхцөлд эцэг эхчүүд хоёр хүүхдэдээ хоюуланд нь тэгш хандах нь хамгийн зөв арга юм.  Нэгийг нь илт буруутган нөгөөг нь хамгаалах нь тэдний өрсөлдөөнийг улам хурцатгадаг. Иймд ээж та хэрэлдэж зодолдохыг нь болиулаад хоюуланг нь хамт тэвэр. Энэ нь ээж нь тэдэнд хоюуланд хайртай тул өрсөлдөж тэмцэлдэх ямар ч шалтгаан байхгүй гэсэн ойлголтыг төрүүлдэг.  Зодоон ширүүхэн болсон бол том хүүхдээрээ эхлээд уучлалт гуйлгаад дараа нь түүндээ “миний хүү ийм сайн чамдаа ч бас хайртай” гэх мэтээр энхрийлэн тэвэр.  Зарим эцэг эхчүүд хүүхдүүдээ дунд нь тоглоом чихэр амттан авч өгвөл  муудалцах нь багасдаг гэж боддог нь эндүүрэл юм.  Харин ч өрсөлдөөн улам ширүүсдэг тул хүүхэд бүрдээ өөрийн гэх тоглоом, орчин нөхцлийг бүрдүүлж өг. Мөн ямар ч үед тэднийг хооронд нь харьцуулж болохгүй. Олон хүүхэдтэй айлд том нь багачуудаа “дэглэх” гээд байдаг.  Энэ нь эцэг эх нь том хүү охиндоо дүү нараа асрах хооллох үүргийг өгдөг харин цаадуул нь дүү нарынхаа нүүрийг угааж, үсийг самнаж хооллож байгаа тул бас шийтгэх эрхтэй болсон гэж ойлгодог.  Энэ явдлыг тэр дор нь таслан зогсоох хэрэгтэй.

NUUTS.MN