Нууц мэдээллийн уурхай

Өдгөө нойргүйдэл дэлхийг хамарсан том асуудал болжээ.  Энэ зовлонг та хэрхэн давж болох тухайд цөөн аргыг туршаад үзээрэй :

-нэгэнт нойр хүрэхгүй байгаа бол өөрийгөө бүү хүчлэ.  “Унт” гэж биеэ албадах тусам нойр улам хулжих болно. Түүний оронд нэг хэвийн уйтгартай гэмээр зүйл хий. Жишээ нь лавлагааны ном уншиж болно. Хүний сонирхол идэвхи буурахад дагаад даралт буудаг тул зовхи тань өөрийн эрхгүй бууж хүсэн хүлээсэн нойр ирдэг.

-унтахынхаа өмнө хоол идэж бас хийжүүлсэн ундаа уух хэрэггүй. хэрвээ үнэхээр өлсөөд байвал аяга бүлээн сүү уу.

-зуун грамм архи  эсвэл улаан дарс жинхэнэ “нойрсуулагч” гэж бодвол эндүүрэл. магадгүй унтаж болох ч “согтуу”  нойр бие махбодид шаардлагтай амралт өгдөггүй. тэгээд ч согтууруулах ундааны үйлчлэл дуусмагц сэрэх магадлалтай тул шөнө дунд хэд ч сэрж болзошгүй.

- биеэ сайн суллаж өгөхийн тулд унтахаасаа 2-3 цагийн өмнө компьютерээ унтраа. Дэлгэцийн гэрэл сэтгэлзүйд түгших айх сэдэлт өгдөг.  Мөн өрөөнийхөө гэрлийг бүдгэрүүл.

-унтахаасаө өмнө хар кофе юм уу цай бүү уу.  Хэрвээ та аяга хар кофе уувал зургаан цагийн дараа агуулагдсан кофейны дөнгөж тал биенээс гардаг гэдгийг сана.

-фитнес дасгал зэргээ болж өгвөл үдээс өмнө хийж бай. Дасгал сургуулалт биеийг халааж нэг ёсондоо цэнэглэдэг тул тийм бие дорхноо суларч унтана гэж байхгүй.

-зарим хүмүүс орондоо ороод е-майлээ шалгаж утсаараа мес явуулдаг. Тэгвэл энэ зуршлаа орхиж унтлагын өрөөгөө  гэрийн “ажлын өрөө” болгохоо зогсоо.

NUUTS.MN