Бостоны марафоны үеэр халдлага гарлаа
Нийтэлсэн: 2013-04-16 07:06:55
.jpg)
Бостон хотод өчигдөр болсон марафон гүйлтийн үеэр олон арван хүн гэмтэж, амт насаа алдсан эмгэнэлт хэрэг гарсан. Амиа алдсан хүмүүсийн тоонд найман настай хүүхэд байсан байна. Хамгийн сүүлийн мэдээгээр дэлбэрэлтийн улмаас 141 хүн гэмтэж, гурван хүн амь насаа алдсан байна. Тэднийг хотын эмнэлгүүдэд хуваарилан хэвтүүлжээ. Эдгээрээс найман хүний биеийн байдал маш хүнд байгаа аж.
Хоёр дэлбэрэлт ойролцоогоор 20 секундын зайтайгаар Бостон хотноо жил бүрийн уламжлалт марафон гүйлтийн төсгөлийн шатанд болсон байна. Аллага орон нутгийн цагаар 14:50-д гарчээ. Дэлбэрэлтийн үеэр уралдаанд оролцогсдын ихэнх нь бариандаа орсон байжээ. АНУ-ын засаг захиргаа уг үйлдлийг хийсэн этгээдийг заавал олж илрүүлнэ гэдгээ амлаад байна.
Америкийн тэнгисийн цэргийн хүчний сапёрчид Бостонд ирж тэсрэх бөмбөг хайж эхэлсэн бөгөөд одоогийн байдлаар хэргийн газраас идэвхжүүлээгүй байсан хоёр тэсрэх төхөөрөмжийг олжээ. Мөн хөрш гудамжинд нь өөр нэг бөмбөг байрлуулсан байсныг олсон байна.
Бостоны захиргаа гар утсан холбоог хотын нутаг дэвсгэрт ажиллуулахгүйгээр хаасан ба хотод хийгдэх бүх нислэгийг хойшлуулаад байна. Зарим хэвлэлд хэргийн сэжигтэн гэх нэг хүнийг баривчилсан гэж байгаа ч цагдаагийнхан үүнийг үгүйсгэж байгаа. Алан хядлагын эзнийг тогтоох ажилд Холбооны мөрдөх товчооныхон хүч нэмэгдүүлэн ажиллаж байна.
