“Цэвэр агаар төсөл”-ийн зуух дэлбэрч хүний амь эрсдлээ
Нийтэлсэн: 2013-04-10 03:43:18
.jpg)
“Цэвэр агаар төсөл”-ийн хөнгөлөлттэй үнээр олгосон “Илч” утаагүй зуух дэлбэрч хүний амь эрсдэж, хоёр хүн хүндээр гэмтэж түлэгдсэн хэрэг гараад байна. Энэ сарын 6-7 нд шилжих шөнө Чингэлтэй дүүргийн 17-р хороонд оршин суух иргэн Б.Бат-Очирынх гэдэг айлд “Илч” утаагүй зуух дэлбэрснээс болж тухайн үед гаднаас гаднаас орж ирж таарсан хүргэн нь амь насаа алджээ. Учир нь гаднаас ордог хаалгатай тус зуух ойрхон байрлаж байжээ. Талийгаач дэлбэрэлтэнд өртөн гурван метр газар шидэгдсэн байсан хэмээн ар гэрийнх нь хэлж байна. “Цэвэр агаар төсөл”-ийн хүрээнд иргэдэд тараагдсан энэхүү “Илч” зуух нь өмнө нь хэд хэдэн удаа дэлбэрч байсан тухай байна. Энэ тухай иргэд гомдол мэдүүлдэг хэдий ч зохих газрууд тодорхой арга хэмжээ авахгүй байсаар хүний алтан амь эрсдэхэд хүргэжээ.
