Амралтын өдрөөр Ардын жүжигчин Х.Уртнасангийн мөрөөдөл “АИДА” дуурь эгшиглэнэ
Нийтэлсэн: 2013-04-03 01:18:51
Дэлхийн таван том театрын нэг Москвагийн Их театрт дуулсан хоёр монгол дуучин байдгийн нэг нь Төрийн соёрхолт, Ардын жүжигчин Х.Уртнасан. Сопрано хоолойтой эмэгтэй дуучдын чадал чансааг шалгадаг “Чио Чио Сан” дуурийн Эрвээхэй хатагтайн дүр Х.Уртнасангийн нэрийн хуудас гэдэг. Тэрбээр залуу халуун явахдаа “Аида” дуурьт тоглохыг мөрөөддөг байсан гэдэг. Харамсалтай нь “Айда” манай ДБЭТ-ын тайзнаа 2011 онд дөнгөж тавигдсан юм. Энэ удаа Эпиопын гүнж, олзны бусгүйн дүрд МУГЖ С.Мөнгөнцэцэг тоглох юм байна. Мөн Радамесийн дүрд тенор Б.Гомбо-Очир, Амнерис буюу хааны гүнжийн дүрд меццосопрано СТА М.Дариймаа тоглох аж.
