“Дижитал” хамтлаг мэдэгдэл гаргажээ
Нийтэлсэн: 2013-03-26 05:46:11
Монголын хип хоп ертөнцөд томоохон байр суурь эзлэх “Дижитал” хамтлагийнхан Бааварын түлэгдсэн эмгэнэлтэй хэрэг явдалтай холбогдуулан “Facebook” дэх хуудсандаа мэдэгдэл гаргажээ.
Мэдэгдэлд “Дижитал хамтлагийн ахлагч асан, Хип хоп холбооны тэргүүн Ш.Батбаяр буюу найз Бааварыгаа бусдын нөлөөнөөс болж эрүүл мэндийн хүнд байдалд орсонд харамсаж байгаагаа илэрхийлж байна.
Мөн Дижитал хамтлагийнхан уг хэргийн буруутанг олоход чадах бүхнээрээ зүтгэх болно. Найз Бааварыгаа хүндэтгэсэн Х.Халиун Г.Эрдэнэбилэг Г.Мөнхбат Ч.Мөнхбаяр” гэжээ.
ШШГЕГ-ын харьяа хорих 461 дүгээр ангид хоригдож байсан Баавар камер дотроо галд өртөн түлэгдэж, эмнэлэгт хүргэгдсэн юм. Түүний биеийн 35 хувь нь түлэгдсэн байна. Хорих ангид тухайн үед яг юу болсон нь одоогоор тодорхойгүй байна.
Баавар өөрийнхөө биед гэмтэл учруулж шатаахыг завдсан гэж ШШГЕГ-ын албаны хүн өчигдөр ярьжээ. Гэвч өчигдөр орой олон нийтэд ил болсон Бааварын анхны бичлэгээс үзвэл тэрбээр өөрийнхөө амийг хорлохыг завдаагүй аж.
