Их аварга М.Даваажаргал Хару башёд тэргүүллээ
Нийтэлсэн: 2013-03-26 05:34:44
.jpg)
Японы мэргэжлийн сумо бөхийн Хару башёд 69 дэх Их аварга Хакухо М.Даваажаргал нэг ч уналгүйгээр түрүүлснээр 24 түрүүнийхээ есөн удаад нь нэг ч уналгүй тэргүүлсэн цорын ганц сүмоч гэгдэх шинэ дээд амжилтын эзэн боллоо.Мэргэжлийн сумод 24 дэх түрүүгээ авсан Хакухо Их аварга Хару башёгийн 13 дахь өдрийн барилдаанд Гоэйдог уватэнагэ мэхээр ялж, түрүүлэх болзлоо хангасан. Хакухо М.Даваажаргал дахин нэг удаа мэргэжлийн сумогийн дээд зиндаанд түрүүлэхэд 68 дахь Их аварга Асашёорюү Д.Дагвадоржийн амжилттай зэрэгцэнэ. Асашёорюү 2003 онд ёкозуна цол хүртэж, сумогийн дэвжээнд 11 жил барилдахдаа дээд зиндаанд нийт 669 даваа авч, Эзэн хааны цомыг 25 удаа хүртэн, сумогийн түүхэнд дээрээсээ гуравдугаарт эрэмбэлэгдсэн амжилтыг үзүүлж чадсан. Мөн Асашёорюү 2005 онд болсон зургаан башёд дараалан нь түрүүлж, энэхүү ижилгүй амжилт гаргасан анхны сумоч болсон юм. Харин түүний энэ амжилтыг Дархан аварга, олимп, дэлхийн медальт, Монголын хүчит бөх, Хөдөлмөрийн баатар Ж.Мөнхбатын хүү Их аварга Хакухо М.Даваажаргал ахиулахад тун ч ойртож очоод байна.Аварагдаа цаашдынх нь барилдаанд амжилт хүсье.Харин 70 дахь Их аварга Харумафүжи Д.Бямбадорж энэ Хару башёд тааруухан барилдаж есөн даваа, зургаан унаатайгаар тэмцээнээ өндөрлүүлсэн юм.
