Нууц мэдээллийн уурхай

Сэм авгыг ил цагаан шүүмжилж бодлого тулгалтыг нь эсэргүүцдэгээрээ алдартай Уго Чавес хорт хавдраар бурхан болсон.  Талийгаачийг ямар хувь заяа хүлээж байгааг нь Кубын Фидель Кастро сануулж байсан гэнэ.  Чавес амьд ахуйдаа “манай үзэл бодол нэгтнүүд маань яагаад хорт хавдраар үхээд байгаад би гайхаж байна, Фидель нэгэн удаа надад чи болгоомжтой байгаарай цаадуул чинь хорт хавдраар өвчлүүлдэг арга олсон шүү, идэж ууж байгаа юмаа сайн хянаж бай гэж анхааруулсан” гэж ойр дотныхондоо ярьж байжээ. Уго Чавесын холбоотон гэгдэн, Америкийн бодлогыг эсэргүүцэж байсан Аргентины өмнөх Ерөнхийлөгч Нестор Кришнер ходоодны хорт хавдраар хорвоог орхисон.  Өдгөө улсаа удирдаж байгаа бэлбэсэн эхнэр Кристинад нь бас л хорт хавдрын шинж илэрчээ. Бразилийн Ерөнхийлөгч 66 настай Лула Сильва улаан хоолойн хорт хавдартай бол 2011 онд халааг нь авсан эмэгтэй Ерөнхийлөгч Дилма Русеф хөхний хорт хавдартай гэнэ. Парагвайн төрийн тэргүүн Фернандо  Пугод арьсны хорт хавдрын шинж илэрсэн. Боливийн 54 настай Ерөнхийлөгч Эво Моралисын хамарт ил хавдар гарсан аж. Мөн Колумбын төрийн тэргүүн 62 настай Хуан Кальдерон түрүү булчирхайн хорт хавдраар шаналж байгаа гэнэ.

NUUTS.MN