Хулгайд алдагдсан 2 сая долларын хийл олджээ
Нийтэлсэн: 2013-03-07 10:17:06
.jpg)
“Страдиварын хийл”, “Улаан хийл” гээд киног манайхан мэднэ. Тэгвэл эдгээр хийлийг урласан Страдивари одоогоос 315 жилийн өмнө амьдарч урлаж байжээ. Саяхан Болгарт хулгайд алдагдсан бас нэгэн Страдиварийн алдарт хийлийг олжээ. Түүний үнэ нь 2 сая долларт элбэг хүрнэ гэнэ. Уг хийлийг нэрт хийлч Мин Чин Кимээс 2010 онд Лондонгийн нэгэн кафед байхад нь халаасны хулгайч Моган гэгч тууж орхижээ. Ямар алдарт хийл хулгайлснаа мэдээгүй тэрээр автобусны жолоочид 100 фунтээр зарах гэтэл цаадах нь саяхан гэртээ шинэ хөгжим авсан гээд татгалзаж. Дараа нь интернетэд орж байгаад алдарт урлаачийн гайхамшигт бүтээл болохыг нь мэдэж. Гэтэл борлуулж өгнө гэсэн зуучлагчид нь Моганыг хулхидаад тэр үеэс хойш сураг нь тасраад байтал саяхан Болгарын цыгануудын овгор болох “Папа” хочит Христо Варбановын гарт орсон мэдээлэл иржээ. Хүчнийхэн тэр дор нь ажиллагаа явуулж хийлийг 400 мянган доллароор худалдан авах нэрээр цыганыг овгорыг мэхэлж ирүүлээд баривчилсан гэнэ.
NUUTS.MN
