Ч.Санжаадамбын барилдах эрхийг 2 сарын хугацаатай хасжээ
Нийтэлсэн: 2013-03-01 05:27:21
.jpg)
2013 оны 2-р сарын 26-ны өдөр МҮБХ-ны тэргүүлэгчид хуралдаж дараах асуудлыг хэлэлцэн шийдвэрлэжээ. Гол асуудал нь улсын заан Ч.Санжаадамбын барилдах эрхийг хоёр сараар хассан байна.
Усан могой жилийн сар шинийн баярт зориулсан барилдааны дөрвийн даваанд барилдахдаа “Монголын үндэсний бөхийн барилдааны дүрэм”-ийн 4.4-ийн “д”-д заасан гутлын өлмий дээр гишгэж мэх хийж унагавал дахин барилдуулна гэсэн заалтын дагуу хөлийн цэц дахин барилдуулахаар шийдвэрлэснийг эсэргүүцэж, дайрч давшлах, бүдүүлэг үг хэлэх зэргээр төрт ёсны их баяр-ёслолын үеэр олон нийтийн өмнө жудаггүй зан гаргасан тул мөн дүрмийн 7.3-ийн “г” заалтыг үндэслэн улсын заан Чимэдрэгзэнгийн Санжаадамбын барилдах эрхийг хоёр сарын хугацаагаар түдгэлзүүлж гурав давсан бөхийн байг олгохгүй байхаар тогтсон байна. Мөн жаяг дэгийн багийн зарим гишүүдэд зэрэг цол ахиулан олгохоор болжээ.
