Өнөөдөр Дэлхийн иргэнийг хамгаалалтын өдөр
Нийтэлсэн: 2013-03-01 03:31:56
Өнөөдөр Дэлхийн иргэнийг хамгаалах өдөр тохиож байна. Энэ удаагийн Дэлхийн иргэний хамгаалалтын өдрийг “Civil Protection and Preparation of Civil Societies for Disaster Risk Prevention” буюу “Иргэний нийгмийн бэлэн байдлыг хангаж гамшгийн эрсдлээс иргэдээ хамгаалъя. Иргэний нийгмийн гамшгийн эрсдлээс урьдчилан сэргийлэх чадавхийг бэхжүүлэх нь” уриатайгаар тэмдэглэн өнгөрүүлж байна.
Ихэнх улс орнууд уг өдрийг тохиолдуулан хурал зөвлөгөөн, радио телевизийн хэлэлцүүлэг, нээлттэй өдөрлөг, гамшгаас урьдчилан сэргийлэх дасгал сургууль зэрэг олон үндэсний хэмжээний арга хэмжээг санаачлан зохион байгуулдаг. Монгол Улсад ч уг өдрийн талаар сургалт, сурталчилгааны ажлуудыг зохион байгуулах гэнэ.
Сүүлийн жилүүдэд дэлхий нийтэд байгалийн болон хүний буруутай үйл ажиллагаатай холбоотой гамшиг олонтаа тохиолдох болсон. Түүнчлэн хүмүүнлэгийн хямрал, иргэний дайн зэрэг хор хөнөөлтэй олон үр дагаврыг бий болгожээ.
