“Coal Mongolia” амжилтгүй болжээ
Нийтэлсэн: 2013-02-22 02:49:01
Монголын нүүрсний төлөө санаа зовнисон гадна дотнын 700 гаруй төлөөлөгчид цуглан “Coal Mongolia” хэмээх ээлжит зовлон тоочилтоо ярьжээ. Зиндаанаасаа хамааран 500-1500 долларын такстай байдаг энэ уулзалт жил бүр болдог ч чухам ямар үр өгөөжтэйг зохион байгуулагчид нь л мэдэх байх. Зарим хүмүүс үүнийг гадны хөрөнгө оруулагчдын хүслийг Монголын төр засагт тулган хүлээлгэх далд зорилготой гэж ярьдаг. Мөн тархи угаах чиглэлийн ажиллагаа ч гэх нь бий. Гэхдээ монголчууд буруутай, гадныхан зөв гэсэн уур амьсгал урьдын адил мэдрэгдсэн. Бодлогоо нэг мөр гаргадаггүй, хууль эрх зүйн орчноо байн байна өөрчилдөг гэсэн улиг болсон шүүмжлэл ахиад л яригдаа. Ингээд байвал бид явлаа гэж хөрөнгө оруулагчид ахиад л тунирхав. Нэг үгээр хэлэхэд өмнөх жил ярьж байснаа энэ жил ахиад ярьсаар дуусжээ.
NUUTS.MN
