Нөөцийн махны чанард иргэд сэтгэл дундуур байна
Нийтэлсэн: 2013-02-06 04:08:40
Засгийн газрын тогтоолын дагуу гарч ирсэн “Нөөцийн мах”-ыг монголчууд тав дахь жилдээ хүртэж байна. Энэ удаад бас л урьд өмнөх шигээ нөөцийн махны чанар тааруу байгааг олон нийт шүүмжлэсэн. Туранхай, хэтрхий их ястай, өнгө зүс тааруу, амт муутай гэх гомдол ахиад л гарчээ. Энэ махыг худалдаалж байгаа томоохон супермаркет, худалдааны төвд “Нөөцийн махны өргөтгөсөн худалдаа” гэсэн бичиг хадсан тул андашгүй байгаа. Гулуузаараа хонь 5200, ямаа 4200 төгрөний үнэтэй байгаа аж. Хэдийгээр үнэ нь хямд ч туранхай дээр нь заваан халтар байгаа нь олны дургүйцлийг төрүүлжээ. Энэ нь нөөцийн махыг ямархуу нөхцөлд хадгалагдсаныг харуулж байна.
