Монголын буучид ордонтой болох цаг ойртжээ
Нийтэлсэн: 2013-01-23 02:32:20
.jpg)
Монголын буудлага спортын холбооны ерөнхийлөгч Э.Мөнх-Очир Азийн Буудлага спортын холбооны Гүйцэтгэх хорооны хуралд амжилттай оролцож хэд хэдэн чухал асуудал шийдвэрлэжээ. Үүнээс Кувейтийн сангийн тусламжтайгаар баригдах Буудлага спортын төвийн барилгын ажлын талаар тус улсын өндөр дээд албаны хүмүүстэй уулзаж нэгдсэн шийдвэрт хүрчээ. Э.Мөнх-Очир Азийн буудлага спортын хорооны ерөнхийлөгч Шейх Салман Ал Сабахтай уулзаж Монголын буучдын шинэ ордны зураг төслийг танилцуулан хоёр талын ажлыг эрчимжүүлэх чиглэлээр тохиролцоонд хүрчээ. Тус төвийг Улаанбаатар хотоос 5 км-ын зайд Алдар толгой орчимд орчин үеийн шаардлага стандартын дагуу барих юм. Шейх Салман Ал Сабах нь саяхан Кувейтын мэдээлэл спорт, залуучуудын сайдаар томилогдсон агаад Монголын буучдыг шинэ ордонтой болгоход өөрийн зүгээс шалтгаалах бүхнээ хийнэ гэдгээ МБСХ-ны Ерөнхийлөгчид амлажээ. Э.Мөнх-Очир нь Азийн Буудлага спортын холбооны дэд ерөнхийлөгчийн сонгуультай юм.
NUUTS.MN
