Хөрөнгийн зах зээлийн өдөрлөг болно
Нийтэлсэн: 2013-01-18 03:56:13
Монголын хөрөнгийн биржээс Монголын хөрөнгийн зах зээл үүсч хөгжсөний 22 жилийн ойг тохиолдуулан салбарын нээлттэй өдөрлөгийг нэгдүгээр сарын 26-нд зохион байгуулах гэж байна. Өдөрлөг Монголын хөрөнгийн бирж ТӨХК-ийн байранд болох бөгөөд үүнд Санхүүгийн зохицуулах хороо, Үнэт цаасны төлбөр, тооцоо төвлөрсөн хадгаламжийн төв, Үнэт цаасны арилжаа эрхлэгчдийн холбоо, Брокер, диллерийн компаниуд болон төлбөр, тооцоо гүйцэтгэгч банкууд оролцох ажээ. Энэ үеэр данс шүүх, ногдол ашиг, арилжаа болон хувьцаат компанийн тухай мэдээлэл өгөх, брокер, төлбөр тооцооны данс наах, үнэт цаастай холбоотой иргэдийн санал бүртгэж авах, хөрөнгө оруулалтын зөвөлгөө өгөх зэргээр нэг цэгийн үйлчилгээ үзүүлэх юм байна.
Цаашдаа хөрөнгийн зах зээлийн үйл ажиллагааг тэлэх, тал бүрийн оролцогсдод мэдлэг олгох энэхүү өдөрлөгийг үе шаттайгаар зохион байгуулж байх тухай албаныхан онцолж байна.
У.БОЛОР
