Газрыг албадан чөлөөлүүлнэ
Нийтэлсэн: 2013-01-15 02:48:14
.jpg)
АН-ын төр коммунист дэглэмтэй улсын арга барилаар ажиллах болотой. БХБЯам болон Хотын захиргаанаас иргэдийн газрыг албадан чөлөөлүүлэх асуудлыг хуулийн төсөл болгон оруулж иржээ. Уг төслөө аль хэдийн УИХд өргөн барьсан хойноо хэлэлцүүлэг зохиож сайхан жүжиг тавилаа. Төрийн түшмэдийн баталснаар улс орон нутгийн тусгай хэрэгцээ, нийтийн болоод нийгмийн зайлшгүй хэрэгцээ, ашиг сонирхолд нийцүүлэн албадан чөлөөлүүлэх шаардлага гарч байгаа гэнэ. Гэхдээ газрыг хүчээр чөлөөлж авахаас өөр арга байхгүй бололтой. Иргэдийн санаа бодол нэрнээс нь эхлээд л уг хуульд таагүй хандаж байгаа. Төрийн дээрэм ч гэх хүмүүс байна. Албадах нь хүч хэрэглэнэ гэсэн үг агаад төр уг газрыг эзэмшигч иргэнтэй тохиролцох ямар ч хүсэлгүй байгааг харууллаа. Өөрөөр хэлбэл худалдан авах бодолгүй болжээ. Уг нь Э.Бат-Үүл иргэдийн газрыг өндөр үнээр авна хэмээн сонгуулийн шоу хийсээр хотын дарга болсон доо.
NUUTS.MN
