Түүхий эд үйлдвэрлэгчдийг дэмжинэ
Нийтэлсэн: 2013-01-05 03:33:11
.jpg)
Засгийн газар үндэсний үйлдвэрлэгдийг дэмжих зорилгоор 2017 он хүртэл үе шатттай ажиллах төлөвлөгөө боловсруулжээ. Үүний дагуу энэ оны 1-р сарын 1-нээс малчин болон мал бүхий хувь хүн үндэсний боловсруулах үйлдвэрт тушаасан бог малын арьс тутамд 3000, адуу үхрийн шир тутамд 15 мянган төгрөгний урамшуулал авахаар уг тогтоолд заажээ. Хэрвээ дээрх урамшууллыг дараа жил үргэлжлүүлэн авахыг хүсвэл заавал хоршооны гишүүн болсон байх шаардлагатай гэнэ. Энэ журам хонины ноос, тэмээний ноосны 2000 төгргөний урамшуулал дээр ч адилхан хэрэгжих аж. 200 тэрбумын бонд гаргаж урамшуулал олгосноор малын түүхий эд хямд үнээр гадагшаа гардаг урсгалыг зогсоож, үндэсний үйлдвэрлэгчид нэмүү өртөг шингэсэн бэлэн бүтээгдэхүүн үйлдвэрлэн экспортод гаргах замаар эх орны үндэсний үйлдвэрлэлийг сэргээх зорилготой аж.
NUUTS.MN
