Элчин сайд нар номын дуу сонсов
Монгол улсаас гадаад орнуудад суугаа дипломат төлөөлөгчийн газрын тэргүүн нар “Шинэчлэлийн Засгийн газраас гадаад харилцааны чиглэлээр баримтлах бодлого, үйл ажиллагаа” сэдвийн дор Улаанбаатар хотод зөвлөлдөх уулзалт хийжээ. Уг арга хэмжээнд Ерөнхий сайд Н.Алтанхуяг оролцож Засгийн газрын бодлого чиглэл, үйл ажиллагааны гурван үндсэн зорилтыг тайлбарлан мэдээлэл өгчээ. Үүнээс гадна гадаад улсад суугаа элчин сайд, консул нарт үүрэг чиглэл өгсөн байна. Ерөнхи сайдын мэдэгдсэнээр тухайн оронтой тал бүрээр хамтран ажиллах гэж олон тийшээ хүч хөрөнгө, цаг хугацаагаа үрэн ажлаа тарамдуулж байхын оронд тухайн орны хөгжлийн чиглэл, эдийн засгийн давуу талыг түшиглэн Монголд ашигтай цөөн хэдхэн гэхдээ тодорхой төсөл, асуудлыг хэрэгжүүлэх тал дээр бодлогоо тодорхойлон ажиллахыг анхаахуулжээ. Энэ ч нэг талаараа зөв гэнэ. Манай улс олон оронтой олон салбараар хамтран ажиллахаар гэрээ, хэлэлцээр цөөнгүй байгуулдаг ч ихэнх нь цаасан дээр үлддэг нь нууц биш юм.
NUUTS.MN С.Сондор
