Сагсчид шигшээ багаа байгуулжээ
Нийтэлсэн: 2012-12-21 04:14:30
Монголын сагсан бөмбөгийн холбооны шигшээ багийг байгуулсан байна. Улирч буй онд үзүүлсэн амжилтаасаа шалтгаалан ийн шигшээ баг байгуулахаар болжээ. Шигшээ багийн ахлагчаар дээд лигийн ахмад, туршлагатай тоглогчдын нэг О.Сайнбаярыг нэрлэв. Харин багийн бүрэлдэхүүнд Ц.Азбаяр, Т.Ихбаяр, Д.Мөнхболд, Т.Баттөр, О.Ууганбаяр, М.Отгонмөнх, А.Энхтүвшин, Д.Дэлгэрням, Ш.Сэдбазар, А.Бямбадорж, О.Сэргэлэн, Д.Цэнгүүнбаяр, О.Доржзовд, С.Өрнүүнбилэг, Ц.Мэргэн, Д.Билгүүн, Ц.Цэрэнбаатар, Д.Одбаяр, М.Бадрах, Н.Золжаргал, А.Од, Б.Батжавхлан нар багтлаа. Сагсан бөмбөгийн шигшээ багийн ахлах дасгалжуулагчаар “Хасын хүлгүүд”-ийн О.Баярцогт, туслахаар АНУ-аас ирсэн туршлагатай дасгалжуулагч Лүк Симонс ажиллана. Тэгвэл багийн даргаар сагсан бөмбөгийн холбооны гүйцэтгэх зөвлөлийн гишүүн П.Ганбатыг сонгожээ. Шигшээ багийнхан ирэх оны тавдугаар сард Бээжин хотод хамтарсан бэлтгэл хийж, улмаар зургадугаар сард Зүүн Азийн аварга шалгаруулах тэмцээнд оролцох юм. Үүнээс гадна сагсан бөмбгийн шигшээ багийнхан наймдугаар сард наймдугаар сард АНУ-д бэлтгэл хийх ажээ.
