Самурай нарыг эхнэрүүд нь мөхөөжээ
Нийтэлсэн: 2012-12-20 10:49:07
.jpg)
Олон зууны турш цэцэглэн хөгжсөн Японы самурай-баатруудын уламжлал 19-р зуунд гэнэт мөхсөн нь өөрийн жамаараа бөхсөн зүйл биш гэнэ. Тухайн үеийн Японы засаг захиргаа өрнийн хөгжлийг хуулбарласан ч үндэсний соёл, уламжлалдаа илэрхий хориг тавиагүй аж. Самурай нар нийгмийн давхрагын хувьд алга болсон нь шал өөр зүйлд байсан болохыг Японы эрдэмтэд тогтоожээ. Гол буруутан нь самурайн эхнэр, тэдний хэрэглэдэг гоо сайхын бүтээгдэхүүнд байжээ. Олон зууны турш эхнэрүүд хар тугалга найрлаганд их хэмжээгээр орсон гоо сайхын бүтээгдэхүүн эрэглэж иржээ. Энэ нь яваандаа эхийнх нь биед шингэн хөхний сүүгээр нь дамжин ирээдүйн самурай-хөвгүүдийг хордуулах болж. Тугалгын хорны улмаас оюун ухаан сул, дорой, өвчлөмтгий болсон самурай нар тулгарч ирсэн нийгэм, эдийн засгийн сроилтыг давж гарах чадвар дутжээ. 1853-67 онд болсон дотоодын хямралын дараа Шёгуны дэглэм нуран унахын хамт самурай нар улс төр, нийгмийн тавцанаас маш түргэн шахан зайлуулагджээ. Токиогийн Хүрээлэн буй орчин, эрүүл мэндийн хүрээлэнгийн эрдэмтийн хийсэн 1870-иад оны самурай нар болон хүүхдүүдийнх нь араг ясанд шинжилгээ хийхэд ясандахь хар тугалганы хэмжээ бусад хүмүүсийнхээс 10 дахин их байжээ. Зарим нэг самурайнх бүр 50 дахин их байжээ. Ийнхүү эр зориг, хүч чадлын билэгдэл болсон дайчин самурай нар эхнэрийнхээ гоо сайхны золиос болон мөхсөн гэнэ.
NUUTS.MN Я.Онон
