Соёлын сайд юу хийж байна вэ
Нийтэлсэн: 2012-12-20 02:39:39
Дарханд хүүхэд барьцаалж мөнгө нэхсэн хэрэг гарчээ. Энэ бол тэр чигээрээ Америк хийгээд барууны соёлын нөлөө. Манай ССАЖЯ юугаа харж байгаа юм бол. Энэ яамны гол үүргийн нэг гадны элдэв нөлөөнөөс хүн ардаа хамгаалах явдал юм. Тайландын соёлын яам Ладу Гагагийн тоглолтыг хориглож америкчууд хатуу чанга ёс журамтайг нь гайхаж, хүний эрх энэ тэр шуугисан. Гэхдээ этгээд гаж хувцасладаг, бэлгийн цөөнхийн эрх чөлөөний төлөө тэмцдэг дуучин хүүхний тоглолтыг өсвөр залуу үедээ үзүүлэхгүй гэсэн Тайландын соёлын сайд зөв шийдвэр гаргаж. Тэгвэл манай Соёлын сайд Америкын юм бүхнийг л оруулах юм. Америк нөхөртэй болохоор арга ч үгүй биз дээ. Цэцэрлэгт л гэхэд Оросын “Алтан загасны үлгэр”-ээс өөр үзүүлбэр тоглуулахаа байж. Оросын цэцэрлэгт Монголын үлгэрийг заадаг болов уу. Хүүхдийг нь багаас нь орос, солонгос сүүлдээ хятад дуугаар толгойг нь эргүүлэх болсон. Өмнөговийн Цогтцэций сумын цэцэрлэгт урд хөршийн дууг хүүхэд бүрд цээжлүүлдэг гэсэн үнэн шүү.
NUUTS.MN С.Хажидмаа
