Орос бүх буриадуудыг нэгтгэх гээд баларчээ
Нийтэлсэн: 2012-12-17 03:23:05
.jpg)
Урд гүрэн бүх монголчуудыг нэгтгээд өөрийн харьяандаа авна гэж зүтгэдэг бол оросууд ч мөн адил гэнэ. Оросын Засгийн газраас баталсан “Бүх буриадуудыг Путины удирдлага дор нэгтгэх” төлөвлөгөө нь дампуурчээ. Монгол, Хятадад амьдардаг буриадуудыг нүүлгэн авчирах гол зорилготой ажиллагаа нь төрийн бодлогын хэмжээнд хэрэгжиж нэлээд хөрөнгө мөнгө төлөвлөжээ. Эхний ээлжинд Хятадын Манжуурын Шинэхээний буриадуудыг хатгаж “өвөг дээдсийнхээ нутаг Их Оросод эргэн ирэхийг” уриалж гэнэ. Нүүж ирэгсэдэд зориулан 300 айлын орон сууц бэлдэж буцалтгүй тусламж олгохор төсөвлөж. Гэсэн ч ирсэн эхний шинэхээний буриадууд нь сар ч бололгүй буцаад явчихжээ. Тэд яаж ч бодсон “баян орноос ядуу улсад ирж амьдрахыг” хүсээгүй бололтой. Залуучууд нь шинэ орчинд дасаагүй бол хөгшчүүд нь Оросод Хятадаас бага тэтгэвэр өгдгийг нь мэдэнгүүтээ л сэтгэл нь эргэжээ. Ийнхүү энэ төлөвлөгөө баларсан тухай Буриадын Засгийн газрын төлөлөгч Александр Чепик зарласан гэнэ. Монголын тухайд 100 мянга гаруй буриад аьдардгаас ердөө 100 гаруй хүн л шүлжин ирэх хүсэлт гаргасан тул бүх буриадуудыг нэгтгэх төлөвлөгөөнөөсөө Орос татгалзахаас өөр аргагүй болжээ. Тэгэхээр манайхаас бас 100 “урвагч” гарсан л бололтой.
NUUTS.MN Я.Онон
