Америк оросуудын ганц “амьжиргааг” булааж авахаар шийджээ
Нийтэлсэн: 2012-12-14 03:05:29
Нэгдсэн улс нефть олборлолтоороо Саудын Арави, Оросын дараа орох хэмжээнд тун удахгүй очих гэнэ. Энэ онд өнгөрсөн 150 жилийн түүхэн дэх хамгийн их нефть олборлолт тэмдэгджээ. 2012 онд хоногт 750 мянган баррель олборлосон нь 1859 оноос хойшхи хамгийн өндөр үзүүлэлт аж. Энэ хандлагаар бол ирэх онд америкчууд импортлосноосоо илүү эрчим хүчнийг экспортлох тооцоо гарчээ. 2030 он гэхэд дэлхийн хамгийн том нефть олборлогч болох зорилт тавьсан америкчууд нь Оросын айдсыг төрүүлээд эхэлжээ. Нефтийн үнээс хамааралтай амьдардаг оросуудын бас нэгэн том өрсөлдөгч гарч ирэх нь ирээдүйд үнэ унах аюул дагуулж мэдэх юм. Нэг баррелийн үнэ 100 доллароос доош унавал Оросын эдийн засаг тэр чигээрээ муудаж эхэлдэг гэнэ.
NUUTS.MN Я.Онон
