10 сая еврогоор мужийн орлогчийн албан тушаалыг заржээ
Нийтэлсэн: 2012-12-14 10:18:11
Оросод өндөр зэргийн албан тушаалыг мөнгөөр зардаг бүлэг луйварчдыг барьжээ. Улсын Ерөнхийлөгчийн тамгын газрын болон Засгийн газрын дээд албан тушаалтны дүрд чадварлагаар хувирсан мэхлэгчид мөнгөтэй бизнесмэнүүдэд төрийн байгууллагын томоохон албан тушаалыг санал болгодог аж. Тэд уг ажилд оруулж өгөхийг амлаад хариуд нь багахан хэмжээний шагнал нэхдэг байж. Тэр нь багахан хэмжээний мөнгө нь хэдэн арван сая евро байх жишээтэй. Хэрвээ уг албан тушаал нь ашигт малтмал байгалийн хий болон тендер хариуцдаг бол үнэ бүр талийгаад өгдөг. Бүлэг луйварчид байгалийн хийн баялаг ихтэй Ямало-Ненецийн мужийн орлогч даргын суудлыг нэгэн бизнесмэнд зарах гэж байхад нь газар дээр нь баривчилжээ. Тэд итгэмтхий нөхрөөс урьчилгаа болох 500 мянган евро авч байжээ. Баривчлагдсан хэрэгнүүдээс өндөр албан тушаалтны хуурамч үнэмлэх, цагдаа болон аюулгүйн албаны генералын дүрэмт хувцас хураан авсан гэнэ.
NUUTS.MN С.Сондор
