Интернетээр танилцсан хүүхнээсээ сая рубль залилжээ
Нийтэлсэн: 2012-12-10 05:13:23
Гадаад хүнтэй сууж баруунд амьдрах гэсэн орос хүүхнүүд ихэнхдээ хууртагдаад дуусдаг аж. Оросдоо амьдрахаас залхсан Надежда гэдэг бүсгүй интериетээр Израйлийн армийн офицертэй танилцжээ. Байнга харилцсаар улам дотно болж нэг өдөр өнөө офицер нь орос бүсгүйтэй ханилахын тулд цэргээсээ халагдаж байгаагаа мэдэгдэж. Бүр тусгай ангийн албаа хаясан гэнэ. Тэрээр бодибилдингийн аварга агаад Надеждатай хуримаа Италид хийхээр захиалгаа өгсөн, Израйльдаа амьдрах хоёр давхар байшин нь хэзээ мөдгүй баригдаад дуусаж байгаа аж. Ялимгүй санхүүгийн бэрхшээл гарсан тул нэг сая рубль зээлэхийг хүссэнд толгой нь эргэсэн бүсгүй байраа барьцаалж байгаад мөнгө олоод шилжүүлчихжээ. Бодибилдингийн аварга ч ханалгүй ахиад мөнгө нэхэхэд нь сэжиглэсэн бүсгүй цагдаад хандаж. Гэтэл нөгөө Израйлийн армийн офицер нь оросын нэг муу ажилгүй залуу байж таарчээ. Бүр нэг хотод амьдардаг байсан гэнэ.
NUUTS.MN Я.Онон
