Хамгийн их хорддог Зайсангийн баячууд хөөрхий еэ
Нийтэлсэн: 2012-12-07 06:32:30
Монголын “Ганнам стайл” бол Зайсан болоод байгаа. Хамгийн үнэтэй, хамгийн аюулгүй гээд л Монголын баячууд Зайсанд байр авах болжээ. Тэд гэр хорооллыхныг утаа униартайгаар дууддаг ч хотын агаарын бохирдлоос хамгийн хамгийн их хорддог нь Зайсангийн баячууд гэнэ. Улаанбаатарын салхи хойноосоо баруунтаа чиглэж явдаг. энэ урсгал гэр хорооллын утааг Хонхорын цүлхэнгээр зүүн урагшаа гаргаж байлаг гэнэ. Үнэндээ хотын үе үеийн дарга нарын хийж чадаагүй ажлыг муу нэртэй салхи хийж байдаг аж. Гэхдээ Улаанбаатарчуудаас хамгийн их хорддог нь Зайсангийн баячууд гэнэ. Хотын энэ их олон унаа машинаас үүсэн хорт хий, цахилгаан станцын утаа, Сонгинохайрхан, Яармагийн гэр хорооллын утаа униар нь салхинд хөөгдсөөр Богд уулын энгэрт Зайсанд тулдаг аж. Машин болон яндангаас гарсан хорт хийний хүнд металл нь агаарт дэгдэнгүүтээ хөрж хүндрээд Зайсангийн энгэрт эргэж буудаг бол хөрөөгүй хорт утааны элемэнтүүд нь хөнгөн тул Богд уулыг даваад Хонхорын цүлхэнгээр гадагшладаг болохыг МХГ-ынхан тогтоожээ. Хөрөнгө мөнгөөрөө бусдаасаа давах гэсэн Зайсангийн баячууд мөнгөнийхөө золиос болж хамгийн их хордсон утаагаар амьсгалдаг гэнэ.
NUUTS.MN С.Хажидмаа
