Стросс Канн “хүчиндсэн” хүүхэнтэйгээ эвлэрчээ
Нийтэлсэн: 2012-12-03 04:23:06
Олон улсын валютын сангийн экс Ерөнхийлөгч Стросс Канн хүчиндүүлсэн гэх зочид буудлын угаагч хүүхэнтэй “эвлэрлийн гэрээ” байгуулахаар өмгөөлөгчтэй нь тохиролцоонд хүрчээ. Өнгөрсөн оны 5-р сад экс ерөнхийлөгч онгоцонд суух гэж байхад нь зочид буудлын угаагч эмэгтэйг хүчиндсэн гэсэн үндэслэлээр Нью-Иоркийн цагдаа нар баривчилсан. Том шуугиан дэгдэж Стросс Канн шоронд суухын хамт түүний карьер нь төгсгөл болсон юм. Гэхдээ тэрээр өөрийгөө тууштай өмгөөлөн “худал баримт дэлгэсний улмаас ОУВС-ын ерөнхийлөгчийн албан тушаалаа алдсан” хэмээн сая доллар нэхэмжилэн угаагч бүсгүйд шүүхэд өгсөн. Ингээд хоёр тал бараг тэнцсэн бололтой. Удахгүй эвлэрлийн гэрээ байгуулснаар энэ хэрэг хаагдах бололтой. Гэхдээ тухайн үед Ерөнхийлөгчийн сонгуулийн өмнө том өрсөлдөгчөө зайлуулах гэсэн экс Ерөнхийлөгч Саркозийг энэ хэргийн захиалагч гэж үздэг. Шраусс Канн нь түүний хүчтэй өрсөлдөгч гэгдэж байсан юм.
NUUTS.MN Я.Онон
