И.Сталин насанд хүрээгүй хүүхэд жирэмслүүлсэн тухай баримт олджээ
Нийтэлсэн: 2012-12-01 13:20:42
Цуут дарангуйлагч И.Сталин Сибирийн цөллөгт байхдаа нэгэн тариачны насанд хүрээгүй охиныг жирэмслүүлсэн тухай КГБ-ын нууц баримт олжээ. Энэ талаарх эрэн сурвалжлах ажиллагааг Сталиныг үхсэний дараа сууринд нь суусан Н.Хрушевын даалгавраар явагдсан гэнэ. КГБ-ын мөрдөлтийн явцад цөллөгөнд Сталины сууж байсан Курейко тосгоны цагдаагийн хэсгийн протокол олджээ. Уг протоколд дурдсанаар хэсгийн цагдаа цөллөгдөгч И.Сталиныг дуудаж иргэн Перелигины 14 настай охиныг садар самуунд уруу татсан хэргээр байцаажээ. Цөллөгдөгч Сталин нь Перелигины гэрт амьдарч байхдаа хоёрдахь хүүхэд нь болох 14 настай охинтой нь бэлгийн харьцаанд орж жирэмжлүүлжээ. Улмаар гэрлэхээс татгалзсан тул охины эх нь цагдаад өргөдөл гаргаж. Харин Сталин цагдаагийн хэсэгт хамаг хэргээ хүлээж иргэн Перелигины охинтой гэрлэхээр ам өчгөө өгсөн гэнэ. Удалгүй тэд гэрлэсэн ч хүүхэд нь бүтсэнгүй. 1914 онд хосын дараагийн хүүхэд төрж хүүтэй болжээ. Гэсэн ч цөллөгийн хугацаа дуусаж Сталин ч явад өгсөнд иргэн Перелигина тосгоны тариачин эр Давыдовтой сууж хүү нь хойд эцгээрээ овоглох болжээ. Тэр хүү одоо армид хошууч цолтой алба хашдаг гэж уг нууц мэдээнд дурджээ. Н.Хрущевт явуулсан уг мэдээнд тухайн үеийн Зөвлөлтийн удирдагчид болох Молотов, Ворошилов нар таницлсан хэмээн гарын үсгээ зурсан байдаг гэнэ.
NUUTS.MN С.Сондор
