Оросууд бага ястнаа дэрэлхэж эвэнкуудын уурхайг булааж авчээ
Нийтэлсэн: 2012-12-01 05:02:12
Орос Хятад хоёр бол цөөнх үндэстний шорон юм. Саяхан Москвагийн шууд удирдамжаар Сибирийн бага ястан болох эвэнкуудын уурхайг булаан авч орос иргэдэд өгчээ. Саяхан Буриадын Баунтов тосгонд уурхай ажиллуулдаг “Дылачи” хоршооны уурхайг Омоны тусгай бүлэг дайрч хүч хэрэглэн эзэлжээ. Уурхайг нутгийн эвэнкууд эзэмшдэг байж. Тэднийг хууль бусаар нефрит олборлон зөвшөөрөлгүй уул уурхайн үйл ажиллагаа явуулсан гэх үндэслэлээр баривчилан уурхайг хаажээ. Хууль бус олборлолтоор улсад 600 сая рублийн хохирол учруулсан хэмээн буруутгаж байгаа ч цаад учир нь ашиг орлого ихтэй энэ уурхайг оросуудад өгөх зорилготой гэнэ. Хятадад өнгөт чулуу болон нефритийн үнэ өссөн тул орон нутгийн орос засаг захиргаа нь эвэнкуудыг элдвээр шахаж хавчих болж. Уурхайгаа өгөхийг ил далд шаардан хүч хэрэглэнэ хэмээн сүрдүүлсээр сүүлдээ хуурамч нотолгоо бүрдүүлэн цэрэг цагдаагаар дайруулжээ. Оросын хууль хүчний бүх байгууллагаар яваад ч бүтэхгүй байгаа гэнэ. Ийнхүү бүхэл бүтэн тосгон эвэнкууд амьжиргаагаасаа салжээ.
NUUTS.MN Я.Онон
