Илүүдэл жинтэй америк эмэгтэй онгоцондоо сууж чадалгүй нисэх буудалд амь алджээ
Нийтэлсэн: 2012-12-01 04:55:34
Яаралтай эмчилгээнд явах ёстой байсан байсан эмэгтэйг илүүдэл жинтэй хэмээн нисэх онгоцонд суулгахаас татгалзсанд шоконд орж амиа алджээ. Унгарт нөхрийн хамт амарч байсан чихрийн шижин өвчтэй Вилма Солтез бие нь муудсан тул Америк руугаа яаралтай буцахаар болж. Тусгай эмчилгээ хийлгэдэг тул унгар эмч нар тусалж чадахгүй байжээ. Ингээд 175 кг жинтэйн дээр өвчний улмаас өрөөсөн хөлөө тайруулсан эмэгтэйг онгоцонд оруулах гэж дуудлагаар ирсэн гурван аврагч хагас ноцолдоод дийлээгүй аж. Эцэст нь Германы “Люфтханза” компаний хөлгийн ахлагч эмэгтэйг үлдэхийг шаардсан гэнэ. Онгоцондоо сууж чадалгүй хүлээлгийн танхимд нөхрий хамт үлдсэн Вилмаг суулгах өөр онгоц хэдэн цагийн турш гарсангүй. Бие сэтгэлзүйн хүнд дарамтанд орсон эмэгтэйн бие муудаж гэнэт нас баржээ. Өдгөө нөхөр нь нисэх компанийг шүүхэд өгөхөөр бэлдэж байгаа байна. Тэрээр эхнэртээ зориулан нэг эгнээний гурван суудлын тийзийг авсан ч нисэх баг суулгаагүй аж.
NUUTS.MN С.Сондор
