Мексикийн гоо бүсгүй цагдаад буудуулж амиа алджээ
Нийтэлсэн: 2012-11-28 03:56:56
.gif)
Латин Америкийн гоо бүсгүйн тэмцээнд ялагчид ар араасаа хар тамхины хэрэгт холбогдох болжээ. Өнгөрсөн сарын эхээр “Сули мужийн гоо бүсгүй-2008” өргөмжлөлт загвар өмсөгч Габриэла Алехандра Окандог Колумбийн хар тамхины мафийнхны мөнгийг угаасан хэрэгт холбогдуулан баривчилсан. Тэгвэл “Латин Америкийн гоо бүсгүй”-н титмийг хүртэж байсан мексик бүсгүй Лаура Суньига бас хар тамхины наймаачидтай холообтой шуугианаар титмээ хураалгасан. Тэгвэл өнгөрсөн долоо хоногт Мексикийн Синалао мужийн гоо бүсгүйгээр шалгарч байсан хорин настай Мария Сусана Флорес цагдаагийнхантай буудалцаад ами алджээ. Мексикийн баруунд орших Мокорита хотод хар тамхины мафийн үйл ажиллагаа хяналтаас гарсан тул онц байдал тогтоон цэрэг оруулсан аж. Цагдаагийнхан зогсолгүй тогтоосон нэгэн машиныг хөөж улмаар буудалцаан болжээ. Эцэст нь машиныг зогсооход дотор нь явсан гоо бүсгүйн өргөмжлөлт Мария Сусана Флорес болон хоёр дээрэмчин алагдсан байжээ.
.jpeg)
NUUTS.MN С.Сондор
