Өнөөдөр болох үйл явдлууд
Нийтэлсэн: 2012-11-28 02:10:27
-Өнөөдөр 12:00 цагт ёслол хүндэтгэлийн А танхимд Монгол Улсын Ерөнхийлөгчийн нэрэмжит "Залуу эрдэмтдийн шагнал"-ыг Монгол Улсын Ерөнхийлөгч Ц.Элбэгдорж гардуулна.
-МУГЖ Д.Жаргалсайханы “Тамирчны ялалт хямдхан олдоогүй” дууг алдаршуулах ёслол өнөөдөр 18.00 цагаас Спортын бэлтгэлийн төвд болно.
-Монголын үндэсний арбитрын газар өнөөдөр 11.00-18.00 цагт ”Хуулийн яармаг өдөрлөг-2012”-ийг МҮХАҮТ-ын үзэсгэлэнгийн их танхимд зохион байгуулна.
-Орон нутгийн сонгуулиар зарим дүүргийн сонгуулийн хороонд ирц хүрээгүйн улмаас дахин санал хураалт явуулахаар болсон билээ. Өнөөдөр 10:00 цагт НЗДТГ-ын хуралдааны танхимд НИТХ-ын Тэргүүлэгчид хуралдаж, дүүргийн ИТХ-ын сонгуулийн дахин санал хураалтын өдрийг баталж тогтоол гаргана.
-Өнөөдөр 10.00 цагаас Зам тээврийн сайд А.Гансүх Авто замын хяналт, эрдэм шинжилгээ, судалгааны төв УТҮГ-ын үйл ажиллагаатай танилцана.
-Шинжлэх ухаан технологи, инновацийн бүтээгдэхүүн, үйлдвэрлэлийг олон нийтэд танилцуулах үзэсгэлэн өнөөдөр 10 цагаас Уран зургийн галерейд болно. Арга хэмжээнд ерөнхий сайд Н.Алтанхуяг болон салбарын сайд оролцоно.
-“Мэргэжлийн хяналтын өнөө ба ирээдүй” сэдэвт онол практикийн бага хурал өнөөдөр / 10.00 цагт МҮЭСТО-нд болно. Мэргэжлийн хяналтын үйл ажиллагаа, авч хэрэгжүүлж буй арга хэмжээ, тулгамдаж байгаа асуудлуудыг холбогдох албаны хүмүүс хэлэлцэх гэнэ. Лавлах утас: 91989890
Өнөөдөр Монгол Улсын Засгийн газар, БНХАУ-ын Засгийн газар хоорондын худалдаа, эдийн засаг, шинжлэх ухаан техникийн хамтын ажиллагааны комиссын ажлын хэсгийн уулзалт болно. Сонирхсон хэвлэл, мэдээллийн төлөөлөгчид 10.20 цагт ГХЯ дээр ирнэ үү. Ярилцлага авах боломжтой.
-11 дүгээр сарын 28-ны өдрийг ССАЖЯ нээлттэй хаалганы өдрөөр зарлаж байгаа бөгөөд “Соёл, спорт, аялал жуулчлалын яам-100 хоногт” арга хэмжээг гэрэл зургийн үзэсгэлэнгээр эхлүүлж байна. Иргэд, хэвлэл мэдээллийн байгууллагууд сонирхосон мэдээллээ авах боломжтой бөгөөд шийдвэрлэх боломжтой арга хэмжээг тэр дор нь шийдэж өгнө.
-Архивчдын өдрийг тохиолдуулан Нийслэлийн архивын газраас албан хэрэг хөтлөлт, архивын "НЭГДСЭН СУРГАЛТ"-ыг зохион байгуулна. Энэхүү сургалт архив, бичиг хэргийн ажилтнуудад зориулагдсан бөгөөд өнөөдөр 09:00 цагт Засгийн газрын 11-р байрны 2 давхарт нээлтээ хийнэ.
-Өнөөдөр Хэвлэлийн Хүрээлэнд 11:00 цагаас Монгол эрдэмтэд анх удаа анагаах ухааны салбарт оюуны өмчийн нээлтээ баталгаажуулан лицензийн гэрээгээр дэлхийн зах зээлд нэвтрүүлэхээр болсон тухай Монгол улсын төрийн шагналт, Хүний гавъяат эмч, шинжлэх ухааны ухааны доктор, профессор эрдэмтэд мэдээлэл хийнэ.
-Өнөөдөр 11 цагаас Нефтийн үнийг зохиомлоор хөөрөгдөж байгаа асуудлыг цэгцлэх болон цаг үеийн бусад асуудлаар ШӨХТГ-ын хурлын зааланд хэвлэлийн бага хуралтай.
