Олон даргатай Олимпийн аваргууд хөөрхий
Нийтэлсэн: 2012-11-27 03:50:24
.jpg)
Монголын тамирчид өөрийн гэх яамтай болсон. Соёл спорт аялал жуулчлалын яам бий болсоноор спортынхан “биднийг гэх яамтай боллоо” ухааны юм ярьж хөөрцөглөж байсан. Гэсэн ч яамтай болно гэдэг нь даргатай болсон гэсэн үг аж. Үүнийг хамгийн түрүүнд мэдэрсэн хүмүүс нь манай олимпийн медальтнууд гэнэ. Яамныхан энд тэнд зохион байгуулсан арга хэмжээгээ олимпын алдартнуудаар “чимэх” гээд зовоож байгаа аж. Сайд нь ир гэж тушаана, дэд сайд нь бэлэн бай гэж дуудуулна. Хамгийн сүүлд гэхэд л ССАЖЯ-ны төрийн нарийн П.Алтангэрэл гишүүн байхдаа хийж эхлүүлсэн хөлбөмбөгийн талбайнхаа нээлтэнд заавал олимпийн аварга авч явна гэж лүндэгнэжээ. Төрийн нарийн бичгийн дарга яамныхаа “жасын нярав” тул түүнтэй муудалцвал мөнгөгүй хоцорно гэсэн үг. Гэсэн ч орон сууцны барилгын дунд байгуулсан алгын чинээ талбайн нээлтэд оролцох гэж хаа холын Дорнод явах олимпийн медальтан олдсонгүй. Дээр нь хувийн зардлаараа явах ёстой. Үүнээс болж “тамирчдын” дарга гавъяат Б.Наранбаатар хүнд байдалд орсон гэнэ. Ядаж байхад яамных нь төрийн нарийн нутгийн ах нь байдаг. Ингээд гуйх тушаах хоёрыг хослуулан байж Олимпийн аварга П.Бадар-Ууган, мөнгөн медальт Сэрдамба хоёрыг арайхийн авч явжээ.
NUUTS.MN С.Хажидмаа
