Төрийн соёрхолт Болдод төсвийн 150 мянга хэрэгтэй юу
Нийтэлсэн: 2012-11-27 11:12:54
Төрийн соёрхол хүртэгсэд хуучин сар бүр 100 мянган төгрөгийн тэтгэлэг авдаг байсан. Ирэх жил 150 мянга болж нэмэгдэх юм гэнэ. Тэгвэл хараагүй иргэдийн холбооны зардалд төсвөөс сар бүр өгдөг байсан 10 мянган төгрөгөө 20 болгон нэмэгдүүлж. Энэ нь хөгжлийн бэрхшээлтэй иргэдийн нийгэмлэг, холбоог төрөөс дэмжиж байгаа хэрэг аж. Сар бүр авдаг хорин мянгаа Хараагүй иргэдийн холбоо үйл ажиллагааныхаа зардалд зарцуулах ёстой аж. Байрны түрээс байтугай утсаны төлбөрт ч хүрэхгүй бага мөнгө өгч байхын оронд өгөхгүй байсан нь дээр. Харин 150 мянган төгрөгөөр бол ядахнаа утасны төлбөрөө хийчихнэ. Тэгвэл тэр алдар цуутай төрийн соёрхолтнууд мөнгөө юунд зарцуулдаг нь сонин. Үнэндээ дуучин Болд мэтийн хүмүүст юу ч биш гэдэг нь ойлгомжтой. Шатахууны мөнгө, утасны төлбөрт нь байтугай өдрийн хоолны мөнгөнд нь ч багадахаар эд. Төрийн соёрхолтнууд бүгд боложмтой, улсаас мөнгө горьдохоор хүмүүс биш. Харин хөгжлийн бэрхшээлтэй иргэдийн хувьд төр хорь байтугай хоёр зуун мянгыг ч өгсөн ч болохоор байна.
NUUTS.MN С.Сондор
